Plantun de Prouvènço

Pèr coumpara dos planto d'encò nostre

Althaea officinalis & Allium atroviolaceum

Mauvo-blanco

Althaea officinalis

Malvaceae

Àutri noum : Altea, Bon-viscle, Guimaugo, Mauvisc, Maulo-blanco.

Nom en français : Guimauve officinale.

Descripcioun :
La mauvo-blanco es uno grando malvaceae (fin qu'un mètre d'auturo), bèn drecho e di flour roso. La planto èi bourrihudo d'en pertout.

Usanço :
La mauvo-blanco èi di proun vertuouso. Emé li racino se fai de pasto de guimaugo qu'avès de segur tasta dins li sucrarié. Fai de bèn peréu pèr desflama (faire macera dins l'aigo), contro lou toussi, pèr se douna la fam e pèr caga. Es bon tambèn i pichot.

Port : Grando erbo
Taio : Pancaro entresigna
Fueio : alterno
Tipe bioulougico : Pancaro entresigna
Cicle bioulougico : Pancaro entresigna

Gènre : Althaea
Famiho : Malvaceae

Coulour de la flour : Blanco
Petalo : 5
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Palun - Ribiero
Estànci : Pancaro entresigna
Couroulougi : Pancaro entresigna
Ref. sc. : Althaea officinalis L., 1753

Pòrri-fèr(-vióulet)

Allium atroviolaceum

Amaryllidaceae Alliaceae

Autre noum : Porre-fèr(-vióulet).

Nom en français : Poireau des vignes violet-obscur.

Descripcioun :
Lou pòrri-fèr-vióulet es esta destria, d'un poun de vist boutani, i'a gaire. Èi proche dóu pòrri cultiva, Allium porrum, emé si lònguis estamino que sorton de la flour, pamens li tepalo soun pu courto (< 4,5 mm) e proun vióuleto, e sa cabosso a de 60 à 120 veno (lou pòrri cultiva n'a ges o mens que 5). Sèmblo proun tambèn au pòrri-fèr-bastard (qu'es un bastard entre lou pòrri-fèr-vióulet e lou pòrri-fèr) e au pòrri-fèr. Coumpara emé lou pòrri-fèr o lou pòrri-fèr-bastard.

Usanço :
A li mémis usanço que lou pòrri-fèr.

Port : Grando erbo
Taio : 60 à 120 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Allium
Famiho : Amaryllidaceae
Famiho classico : Alliaceae

Ordre : Asparagales

Coulour de la flour : Vióuleto
Petalo : 6
Ø (o loungour) enflourejado : 3 à 6 cm
Flourido : Printèms - Estiéu

Sòu : Ca
Autour basso e auto : 0 à 400 m
Aparado : Noun
Abriéu à juliet

Liò : Ermas - Camin - Champ - Vignarés
Estànci : Termoumediterran à Mesoumediterran
Couroulougi : Eurimediterrano
Ref. sc. : Allium atroviolaceum auct. (= Allium porrum subsp. porrum L., 1753 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Althaea officinalis & Allium atroviolaceum

Coumpara Mauvo-blanco emé uno autro planto

Coumpara Pòrri-fèr(-vióulet) emé uno autro planto